Барэль: ЕС адкажа новымі санкцыямі на міграцыйны крызіс на мяжы з Літвой
Еўрасаюз разглядае новы пакет санкцыяў супраць кіраўніцтва Беларусі. Пра гэта заявіў кіраўнік дыпламатыі ЕС Жазэп Барэль, паведамляе карэспандэнт Радыё "Свабода" ў Бруселі Рыкард Ёзвяк.
Па словах Барэля, новыя санкцыі супраць афіцыйнага Мінска будуць адказам на міграцыйны крызіс на літоўскай мяжы.
Апошнімі тыднямі вырасла плынь мігрантаў, якія нелегальна пераходзяць з Беларусі ў Літву. Часцей за ўсё гэта грамадзяне азіяцкіх краін.
Раней Аляксандр Лукашэнка заяўляў, што Беларусь не будзе стрымліваць мігрантаў, якія праз нашу краіну прабіраюцца ў Еўрасаюз.
EU foreign policy chief Borrell says that the EU is considering further restrive measures against #Belarus after today's discussion at the EU foreign affairs council
— Rikard Jozwiak (@RikardJozwiak) July 12, 2021
