Беларуска ў Расіі праходзіць па крымінальнай справе аб кантрабандзе з Казахстана

Грамадзянка Беларусі ў Маскве праходзіць па крымінальнай справа аб кантрабандзе з Казахстана сібутраміна, паведамляе ТАСС. Гэта стымулятар для карэкцыі вагі, абарот і ўвоз якога ў РФ забаронены. Мытнікі знайшлі 5 кілаграмаў прэпарата ў двух пасылках. Затрымалі іх у адным з аддзяленняў пошты ў расійскай сталіцы. Акрамя беларускі, атрымальнікам пасылкі быў грамадзянін Расіі. У дачыненні да яго таксама распачалі крымінальную справу па артыкуле "Кантрабанда моцнадзеючых рэчываў".

Сібутрамін — прэпарат для пахудання, стымулятар цэнтральнай нервовай сістэмы (ён узмацняе пачуццё насычэння). Пасля яго ўжывання ўзнікаюць пабочныя эфекты, людзі скардзяцца на галаўны боль, анарэксію, адсутнасць сна.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.