Беларускі МЗС гатовы дапамагчы наладзіць адносіны паміж Расіяй і Украінай

Еўрарадыё пацікавілася, ці прызнае наша краіна вынікі крымскага рэферэндуму. Прадстаўнік МЗС кажа, што сёння ўсе спрэчныя пытанні павінны вырашацца дыпламатычнымі сродкамі, без сілавога супрацьстаяння.

Дзмітрый Мірончык: “Беларусь зацікаўленая ў стабільных палітычных, эканамічных і гуманітарных адносінах з нашымі суседнімі братэрскімі краінамі. Гатовыя прыкласці ўсе магчымыя з нашага боку намаганні для таго, каб вярнуць адносіны паміж Украінай і Расіяй у нармальнае рэчышча. Мы заўсёды казалі пра тое, што неабходна знаходзіць варыянты для ўрэгулявання пытанняў дыпламатычнымі сродкамі, праз дыялог. І не дапускаць сілавога супрацьстаяння ні з аднаго боку”.

На заўвагу карэспандэнта Еўрарадыё, што ў адказе не прагучалі словы наконт прызнання вынікаў крымскага рэферэндуму, дыпламат адказаў, што гэта і быў адказ на зададзенае пытанне.

Фота — apikabu.ru