Беларускі ваяр — пра вызваленне Херсоншчыны: "проста так оркі не адыходзяць"

Вялікім поспехам для ўкраінскіх войскаў стала вызваленне Херсона. На тым напрамку ваююць у тым ліку і беларускія добраахвотнікі батальёна "Тэрор". Адзін з беларусаў-вайскоўцаў, пазыўны Алесь, распавёў Еўрарадыё некаторыя падрабязнасці:

— На Херсонскі кірунак мы прыбылі ў канцы вясны. Яшчэ тады былі ўпэўненыя, што атрымаецца адбіць Херсон, але не думалі, што "оркі" пабягуць, падціснуўшы хвасты так хутка. Да гэтага часу не верыцца, здаецца, што яны нейкае паскудства тут рыхтуюць. Вельмі шмат усяго замініравалі. Хоць Херсон вызвалілі, працы яшчэ шмат. Падрабязнасці задач не ведаю, бо задзейнічаны ў тылавым забеспячэнні. Але паверце, проста так" оркі", не адыходзяць — іх выганяюць. Да прыкладу, учора мяняў кола на машыне, якое прабіў той асколак ад міны, ці то ад снарада.