Беларускія баскетбалісты на выездзе выйгралі ў датчанаў
У матчы другога раўнда кваліфікацыі чэмпіянату Еўропы-2015 мужчынская зборная Беларусі выйграла ў аўтсайдэраў групы D датчанаў — 73:66.
Сустрэча прайшла 20 жніўня ў Хорсенсе.
Становішча камандаў: Бельгія — 7 ачкоў (278-243), Македонія — 7 (298-281), Беларусь — 6 (297-290), Данія — 4 (263-322).
Як адзначае БелаПАН, раней беларуская каманда дома перамагла Данію — 97:72, прайграла ў гасцях Бельгіі — 57:71 і Македоніі на сваёй пляцоўцы — 70:81.
24 жніўня нашых баскетбалістаў чакае сустрэча з бельгійцамі, а 27-га — з македонцамі. У фінальную частку Еўрабаскета выйдуць пераможцы сямі адборачных груп і шэсць найлепшых камандаў, якія занялі другія месцы.
Фота — sq.com.ua
