Беларускія праваабаронцы прызналі палітвязнямі яшчэ 13 чалавек
Колькасць палітвязняў у Беларусі зноў павялічылася / dpa
Беларускія праваабаронцы прызналі палітвязнямі яшчэ 13 чалавек. Гэта — Андрэй Міндубаеў, Алег Волкаў, Вадзім Барысаў, Алег Сіліч, Герман Лебядзеў, Яўген Гоманаў, Канстанцін Саламіюк, Аляксандр Брэзін, Валерый Яроцкі, Сцяпан Задойка, Анатоль Зелепуга, Вольга Казлоўская і Ірына Сапрыгіна. Праваабаронцы лічаць іх справы палітычна матываванымі і патрабуюць вызвалення.
Новыя палітвязні ў сваёй бальшыні асуджаны ці змешчаны пад варту за "паклёп" ці "абразу" Аляксандра Лукашэнкі.
У Беларусі на сённяшні дзень налічваецца 1454 палітзняволеных.
