Беларусы знялі з банкаўскіх укладаў больш за мільярд рублёў

Нацыянальны банк апублікаваў дадзеныя па сітуацыі з банкаўскімі ўкладамі ў трэцім квартале 2020 года.

Тэрміновыя банкаўскія ўклады фізічных асоб, паводле звестак на 1 кастрычніка, знізіліся на 1,2 мільярда рублёў у параўнанні з 1 ліпеня. За квартал іх аб'ём знізіўся на 6,5%.

Найбольш прыкметна зменшыўся аб'ём дэпазітаў у рублях — на 9,1%. З валютных дэпазітаў беларусы знялі 5,6%.

Аб'ём адзыўных укладаў за квартал зменшыўся на 11,9%, безадзыўных — на 3,7%.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.