Белдзяржуніверсітэт адкрыў сайт для абітурыентаў
Рэсурс павінен даць адказы на многія пытанні пра ўступную кампанію ў БДУ.
Беларускі дзяржаўны ўніверсітэт запусціў спецыяльны сайт для абітурыентаў. Старшакласнікі ды іншыя паступаючыя змогуць пры дапамозе гэтага рэсурса выбраць спецыяльнасць, а таксама падрыхтаваць патрэбны пакет дакументаў для паступлення.
Тут даступны сервіс пад назвай “Каляндар абітурыента” з датамі Дзён адчыненых дзвярэй, рэпетыцыйнага тэставання, цэнтралізаванага тэставання і іншых мерапрыемстваў для паступаючых. Таксама тут ёсць інфармацыя пра наяўнасць месцаў у ітэрнатах і магчымасць засялення.
Асобны раздзел прысвечаны замежным абітурыентам.
Рэсурс адаптуецца для прагляду на планшэтах і смартфонах, паведамляе БелаПАН са спасылкай на прэс-службу БДУ.
