Боб Дылан супраць мабільнікаў і грыбочкі-галюцынагены — #ІхНоравы

Гэта прыкладна 7 тысяч дакументаў, якія былі знойдзеныя ў куфары на гарышчы дома, дзе жыла знаёмая Шындлера і дзе той прабыў апошнія гадзіны жыцця.

Сярод іх — арыгінальны спіс выратаваных прадпрымальнікам яўрэяў, старанна задакументаваныя выдаткі на прадукты, якія Шындлер купляў для прымусовых работнікаў на чорным рынку, а таксама схемы памяшканняў яго фабрык.

Цікава, што Шындлер таксама зрабіў машынапісны пераказ таго, якія менавіта меры па выратаванні вязняў канцлагераў ён рабіў паміж 1939 і 1945 гадамі, калі быў уладальнікам фабрыкі эмаляванага посуду ў акупаваным нацыстамі Кракаве, а пазней — у Брунліцы. Таксама ў куфры знайшлі дакументы, якія расказваюць пра пасляваенныя лёсы выратаваных людзей.

Боб Дылан супраць мабільнікаў

83-гадовы амерыканскі спявак і музыка Боб Дылан, які выпусціў за сваю кар'еру 40 студыйных альбомаў, уладальнік дзесяці прэмій "Грэмі" і лаўрэат Нобелеўскай прэміі па літаратуры, забараніў выкарыстоўваць мабільныя тэлефоны на сваіх канцэртах.

Дылан кажа, што імкнецца спыніць несанкцыянаваны распаўсюд запісаў, а таксама хоча, каб гледачы засяродзіліся на выступах, а не на сваіх мабільных прыладах.

— Мы спадзяёмся, што такім чынам канцэрт усім спадабаецца больш. Нашыя вочы адкрыюцца крыху шырэй, а пачуцці стануць крыху вастрэйшымі, калі мы страцім тэхналагічную апору, да якой прызвычаіліся, — напісалі ў X арганізатары канцэрта Дылана ў Празе.

Забарона выкарыстоўваць мабільныя тэлефоны на канцэртах — новая тэндэнцыя апошніх гадоў. Многія музыкі сцвярджаюць, што робяць гэта, каб палепшыць уражанні наведнікаў. Аднак відавочна таксама, што гэта эфектыўны спосаб абароны ўласных камерцыйных інтарэсаў.

Мужчына быў змешчаны ў аддзяленне інтэнсіўнай псіхіятрычнай тэрапіі, дзе яму давалі лекі, бо ў яго па-ранейшаму назіраліся псіхатычныя сімптомы.

Псілацыбін — гэта прыроднае псіхадэлічнае пралекавае злучэнне, якое змяшчаецца ў больш чым 200 відах грыбоў.

Пасля прыёму ўнутр арганізм пераўтварае псілацыбін у псілацын, хімічнае рэчыва з псіхаактыўнымі ўласцівасцямі, якое можа выклікаць галюцынацыі, змяніць эмацыйны стан чалавека і яго ўспрыманне свету.

Карціна, якая падаражэла ў 4 тысячы разоў

Карціна, набытая на распродажы за 37 долараў, аказалася працай вядомай канадскай мастачкі Эмілі Кар, створанай у 1912 годзе. Цяпер твор можна прадаць у 4000 разоў даражэй.

Арт-дылер Ален Трэйбіц, які натыкнуўся на карціну Кар, расказаў пра “нешта асаблівае”, што прымусіла звярнуць яго ўвагу на твор, на якім выяўлены мядзведзь грызлі на вяршыні татэмнага слупа. На палатне таксама быў подпіс мастачкі.

— Можна сказаць, што ў гэтай карціне ёсць нешта асаблівае. За сваё жыццё я знаходзіў шмат цікавых прадметаў, але гэтая знаходка — самая значная, — кажа Трэйбіц.