Брэсцкая таксоўка на пераходзе збіла раварыстку
У Брэсце раварыстка пасля ДТЗ апынулася ў рэанімацыі, паведамляе прэс-служба УДАІ УУС Брэсцкага аблвыканкама.
Інцыдэнт здарыўся 26 чэрвеня ў 23:20. 17-гадовая жыхарка Пінскага раёна ехала на ровары па рэгуляваным пешаходным пераходзе на скрыжаванні вуліцы Янкі Купалы і Партызанскага праспекта. Дзяўчына рухалася на залёны сігнал святлафора, У гэты час яе збіла таксоўка Hyundai, якой кіраваў 28-гадовы брастаўчанін. Аўтамабіль рабіў правы паварот.
Дзяўчына атрымала траўмы рознай ступені цяжкасці і была шпіталізаваная ў першаее рэанімацыйнае аддзяленне Брэсцкай абласной лякарні. Па факце ДТЗ праводзіцца праверка.