Брэстаўчанін, які патануў у рацэ, скакаў з моста некалькі разоў

Увечары 17 чэрвеня ў Брэсце двое хлопцаў (ва ўзросце 21 і 22 гадоў) скокнулі ў ваду з пешаходнага маста на рацэ Мухавец. Старэйшы з іх патануў. Па факце здарэння Брэсцкім міжраённым Следчым камітэтам праводзіцца праверка.

Афіцыйная прадстаўніца ўпраўлення Следчага камітэту па Брэсцкай вобласці Марына Дранькова распавяла Еўрарадыё новыя падрабязнасці здарэння:

"Па словах маладзёна (сябра загінулага — Еўрарадыё), яны ўжывалі спіртныя напоі. Пасля гэтага яны сталі скакаць у ваду з чыгуначнага моста. Адзін з іх падняўся на найвышэйшую кропку збудавання, адкуль здзейсніў скачок у раку... Пасля паўгадзіны з вады без прыкметаў жыцця яго ўжо дасталі ратавальнікі. Па словах сведкаў, гэтыя хлопцы ўжо здзяйснялі скокі ў ваду, адзін з якіх стаў ракавым".

Для ўстанаўлення дакладнай прычыны смерці прызначана судова-медыцынская экспертыза.

Вядома, што загінулы быў беспрацоўным. Праваахоўнікі высвятляюць, ці з'яўляўся ён навучэнцам якой-небудзь установы.

Як паведамляла Еўрарадыё, мост, на якім адбылася трагедыя, раней быў чыгуначным. Некалькі гадоў таму лінію дэмантавалі, але мост пакінулі для дачнікаў, чыя ўчасткі знаходзяцца на Чырвоным двары.