Букмекеры не вераць у перамогу “Ювентуса” над “Барселонай”
Фінал Лігі чэмпіёнаў пройдзе сёння ў Берліне.
Сярэдні каэфіцыент на перамогу італьянскага клуба ў галоўным клубным футбольным турніры Еўропы складае ажно 5,6 пункта, тады як на перамогу “Барсы” — толькі 1,6.
Нічыя — 4,0. Найбольш верагодным лікам лічыцца мінімальная перамога “Барселоны” — 1:0.
“Барселона” выйгравала Лігу чэмпіёнаў чатыры разы — у 1992, 2006,2009 і 2011 гадах. “Ювэ” — двойчы. У 1985 і 1996.
Пачатак матча ў 21.45 па беларускім часе. Трансляцыя на “Беларусь-1”.
