Былая суддзя задаволеная, што яе выключылі з "чорнага спісу" ЕС
Цяпер Вольга Комар працуе адвакаткай.
Напярэдадні стала вядома, што Еўрасаюз яшчэ на год працягнуў санкцыі супраць беларускіх чыноўнікаў. Адпаведнае рашэнне 29 кастрычніка прыняў Савет ЕС. У сераду быў апублікаваны абноўлены "чорны спіс", з якога выключылі 13 асобаў, у тым ліку і Комар.
Адказваючы на пытанне карэспандэнта Радыё Свабода, Вольга Комар сказала, што яна "задаволеная", але каментаваць не хоча. Яна толькі адзначыла, што знаходжанне ў "чорным спісе" не адбівалася на яе адвакацкай працы.
Нагадаем, Вольга Комар у 2011 годзе як суддзя Фрунзенскага раённага суда асудзіла на 4 гады зняволення ўдзельніка мітынгу 19 снежня 2010 года Васіля Парфянкова. Яна вядомая таксама тым, што скончыла Беларускі нацыянальны гуманітарны ліцэй імя Якуба Коласа.
Былая суддзя Вольга Комар: "Я сышла па ўласным жаданні"
Дакумент Савета ЕС з "чорным спісам" можна паглядзець тут.
МЗС Беларусі: Рашэнне ЕС контрпрадуктыўнае, але пазітыў ёсць
Фота — svaboda.org
