Былы беларускі прэм'ер Сяргей Румас трапіў у спіс, падпісаны прэм'ерам Расіі

Сяргею Румасу 51 год. Ён — кандыдат эканамічных навук, з 2012 года быў старшынём праўлення Банка развіцця Рэспублікі Беларусь. Пасаду прэм'ер-міністра Беларусі займаў у жніўні 2018-га — чэрвені 2020 года. Былы кіраўнік Беларускай федэрацыі футбола.

У пачатку лютага 2021-га ў СМІ з'явілася інфармацыя пра "знікненне" Румаса, яго звязвалі з затрыманнем групы банкіраў. Спачатку яго жонка паведаміла, што былы прэм'ер знаходзіцца за мяжой (у сына ў Лондане), а пасля і сам Сяргей Румас заявіў, што "жывы, не арыштаваны".

Прымаючы адстаўку Румаса з пасады прэм'ер-міністра, Аляксандр Лукашэнка сказаў, што ён хоча займацца бізнесам. "Не думаю, што Румас з'ездзе з краіны і звязе гэтыя [заробленыя ў бізнесе] грошы, ён іх укладзе ў эканоміку, — гаварыў Лукашэнка. — Але ўсё павінна быць сумленна і па законе".