Былыя сілавікі: у МУС звольняць больш за 50% супрацоўнікаў цэнтральнага апарата

14/12/2021 - 10:55

У Міністэрстве ўнутраных спраў плануецца звольніць больш за 50% супрацоўнікаў цэнтральнага апарата. Такую лічбу называе ініцыятыва былых сілавікоў.

У цэнтральным апараце працуюць каля 1000 чалавек. Пры гэтым звольніць плануецца, маўляў, больш за 500 з іх. Раней, як сцвярджаюць былыя сілавікі, звальненні мусілі адбыцца да 1 студзеня, цяпер іх адклалі да правядзення канстытуцыйнага рэферэндуму.

Таксама яны паведамляюць, што "практычна вырашанае пытанне" наконт міністра ўнутраных спраў Івана Кубракова. Яго нібыта заменяць за тое, што супярэчыў такім масавым звальненням у цэнтральным апараце. На яго месца прарочаць першага намесніка міністра — Юрыя Назаранку, які ў жніўні 2020-га камандаваў унутранымі войскамі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.