Чарговае ДТЗ з маршруткай — гэтым разам у Мінску

У Мінску адбылося ДТЗ з удзелам маршрутнага таксі, паведамляюць у сталічным ДАІ. Аварыя здарылася раніцай у панядзелак у раёне вуліцы Малініна. 30-гадовая кіроўца аўтамабіля Volkswagen выязджала з дваровай тэрыторыі і не саступіла дарогу маршрутнаму таксі, якое рухалася па галоўнай дарозе.

Адбылося сутыкненне. Папярэдне пацярпелі чатыры пасажыры. Медыкі забралі іх у бальніцу для абследавання. Кіроўца Volkswagen ад шпіталізацыі адмовілася.

Нагадаем, 20 лютага ў Смалявіцкім раёне ў ДТЗ з удзелам маршрутнага таксі загінулі 13 чалавек. Пасля гэтага Мінтранс заявіў пра намер праверыць працу маршрутных таксі.