Чарговая параза гандбольнай зборнай: цяпер ад Бразіліі ў мінус 5 мячоў
Тым не менш кволыя шанцы на выхад у 1/8 фінала захоўваюцца. Праўда, не ўсё залежыць ад нас і трэба перамагчы ва ўсіх астатніх гульнях.
У кваліфікацыі чэмпіяната свету па гандболе, які праходзіць у Катары, наша нацыянальная гандбольная зборная прайграла трэці матч запар — цяпер і бразільцам (29:34).
Нагадаем, што тыя ж пяць мячоў нашы раней саступілі іспанцам і славенцам.
Кволыя шанцы на выхад з групы ў 1/8 фінала захоўваюцца. Для гэтага беларусам неабходна ў сераду 21-га студзеня перамагаць зборную Чылі — пажадана з буйной розніцай мячоў. А ў завяршальным матчы кваліфікацыі трэба перайграць каманду Катара, што ў сённяшняй сітуацыі выглядае маларэальным. Па-першае, катарцы — гаспадары спаборніцтваў. Па-другое, яны без праблем рассправіліся з бразільцамі, якім зборная Беларусі нічога не змагла супрацьпаставіць.
Але нават у выпадку дзвюх пераканаўчых перамог не ўсё будзе залежаць ад нашай каманды.
Фота: handball.by
