Чыгуначныя квіткі з Беларусі ў Расію стануць таннейшымі
Чыгуначыя квіткі з Беларусі ў Расію стануць таннейшымі ў сярэднім на 15-17%. Гэта робіцца дзеля ўніфікацы транспартнага рынку, паведамляе прэс-служба Беларускай чыгункі.
Праўда, закране гэтая мера толькі купэйныя вагоны і СВ.
Напрыклад, калі раней праезд у купэ з Мінска да Масквы каштаваў 188,64 рубля, то з 16 траўня давядзецца заплаціць толькі 158,13 рубля. Праезд у вагоне СВ зменшыцца ад 461,53 рубля да 400,57 рубля.
