Ці добра ты ведаеш гісторыю Беларусі: новы тэст ад гурта Dzieciuki

Гэты гістарычны тэст ад гурта Dzieciuki, створаны на аснове другога студыйнага альбома “Рэха”. Кожнае пытанне мае непасрэдную сувязь з песнямі з альбома. Адказы прымаем да 6 ліпеня на пошту [email protected]. Удзельнік, які першыя дашле найбольшую колькасць правільных адказаў, атрымае квіток з візавай падтрымкай на сумесны канцэрт Dzieciuki і Brutto у Вроцлаве, які адбудзецца 17 верасня. Тым, хто зойме другое і трэцяе месцы, гарантаваныя суцяшальныя дыскі ад гурта Dzieciuki са свежым альбомам "Рэха".

Слухаем музыку, чытаем гісторыю і адказваем на пытанні!

1. Дзе, паводле легенды, пахаваны Давыд Гарадзенскі?

А). У Брандэнбургу, дзе быў забіты здраднікам, падчас паходу на крыжакоў. 
Б). У Гародні, каля сценаў Барысаглебскага манастыра.
В). У Пскове, дзе быў забіты, пры асадзе горада крыжакамі. 
Г). У гарадзенскім замку, каля сценаў Ніжняй царквы.
2. Які ганебны міжнародны дакумент быў падпісаны 18 сакавіка 1921 года паміж Польшчай з аднаго боку і РСФСР з другога, па якім была падзеленая Беларусь?

А). Брэсцкі мірны дагавор.
Б). Рыжскі мірны дагавор.
В). Пакт Молатава-Рыбентропа.
Г). Версальскі дагавор.
3. У вязніцы якога замка Вітаўт і яго бацька Кейстут былі зняволеныя іх стрыечным братам і пляменнікам Ягайлам?

А). Троцкі замак.
Б). Луцкі замак.
В). Гарадзенскі замак.
Г). Крэўскі замак.
4. Беларуская антысавецкая арганізацыя, якая існавала з 1944 па 1957 год на тэрыторыі БССР і паўночнай часткі УССР і вяла партызанскую барацьбу супраць Чырвонай арміі за аднаўленне незалежнасці Беларусі і стварэнне на яе тэрыторыі Беларускай Народнай Рэспублікі.

А). Зялёны дуб
Б). Чорны кот
В). Чайка
Г). Зялёныя
5.Калі і з якой нагоды ў Беларусі адзначаецца неафіцыйнае нацыянальнае свята Дзень Герояў?

А). 10 студзеня. З нагоды пачатку нацыянальна-вызаольнага паўстання 1863 года.
Б). 8 верасня. З нагоды перамогі войскаў ВКЛ над Маскоўскім войскам у Бітве пад Оршай.
В). 27 лістапада. Угодкі Слуцкага паўстання 1920 г.
Г). 2 лютага. Дзень нараджэння нацыянальнага героя Кастуся Каліноўскага.
6. Станіслаў Аўгуст Панятоўскі — апошні кароль Рэчы Паспалітай, пры якім дзяржава перастала існаваць, а ў якім годзе адбыўся апошні падзел Рэчы Паспалітай?

А).1771
Б).1793
В).1795
Г). 1798
7. Андрэй Тадэуш Банавентура Касцюшка быў шляхціцам, а кожны шляхцюк мае герб. Якую назву меў радавы герб Касцюшак?

А). "Ліс". 
Б). "Касцеша".
В). "Корчак".
Г). "Рох ІІІ".
8. У ноч з 29 на 30 кастрычніка 1937 г. у сутарэннях мінскай унутранай турмы НКУС або "Амерыканкі" былі расстраляныя больш за сто прадстаўнікоў інтэлектуальнай эліты Беларусі, неафіцыйная назва гэтай трагедыі “Крывавая ноч беларускай гісторыі”. А якое савецкае свята такім чынам адзначылі каты НКУС?

А). Дзень Ленінскага камсамолу.
Б). Дзень Канстытуцыі.
В). Угодкі Вялікай Кастрычніцкай сацыялістычнай рэвалюцыі.
Г). Дзень памяці В.І. Леніна.
9. Адна з песень у альбоме “Рэха” напісаная на словы паэта Алеся Чобата з гарадзеншчыны, а ў якім мястэчку жыве гэты паэт?

А). Свіслач.
Б). Скідзель.
В). Шчучын.
Г). Бераставіца.