Ціханоўская: Рэжым хавае адсутнасць кантролю ў гвалце і беззаконні
Святлана Ціханоўская пракаментавала чарговую хвалю "зачысткі" грамадзянскай супольнасці ў Беларусі. 14 ліпеня ў Мінску і ў рэгіёнах сілавікі праводзілі ператрусы ў праваабарончых, грамадскіх і палітычных арганізацыях, у грамадскіх актывістаў, экспертаў. Некаторыя з іх затрыманыя.
"Зараз рэжым неабдумана помсціць тым, без каго яго існаванне скончыцца яшчэ хутчэй, — піша Ціханоўская. — Усе, каму ён абавязаны развіццём краіны ў папярэднія гады, апынуліся пад катком рэпрэсій".
Апазіцыйны лідар лічыць, што "рэжым хавае адсутнасць кантролю ў гвалце і беззаконні".
"Яго саўдзельнікі ўжо пагражалі грамадзянскай супольнасці ў адказ на санкцыі — яны спадзяюцца, што змогуць зноў адчуць сілу, калі ў краіне ўсё замаўчаць, — працягвае Святлана Ціханоўская. — Але праваабаронцы, актывісты і журналісты дакладна ведаюць: сіла — у праўдзе, а ўлада — у руках народа".
The regime continues its massive attack on human rights defenders, activists, journalists. @viasna96, Belarusian Helsinki Committee, Human Constanta, @baj_by, Lawtrend, Imenamag, and others – victims of todays' repressions. Lukashenka wants to desolate the whole country. pic.twitter.com/lTDDCyiZnk
— Sviatlana Tsikhanouskaya (@Tsihanouskaya) July 14, 2021
