CIVICUS: Беларусь — адзіная "закрытая" краіна ў Еўропе
Беларусь — адзіная "закрытая" дзяржава ў Еўропе. Пра гэта гаворыцца ў гадавой справаздачы міжнароднай няўрадавай арганізацыі CIVICUS, якая ацэньвае стан грамадзянскай супольнасці і грамадзянскіх правоў у 197 краінах свету.
На адным узроўні з Беларуссю знаходзяцца Туркменістан, Нікарагуа, Чад, Паўднёвы Судан, Кітай, Паўночная Карэя ды некаторыя іншыя краіны Афрыкі і Азіі.
З ліпеня 2021-га ў Беларусі адбываецца разгром НДА самай рознай накіраванасці — ад праваабаронцаў да зоаабаронцаў. Аляксандр Лукашэнка ў інтэрв'ю паабяцаў "выразаць" усіх.
