Донары завяршылі папераджальны страйк, але магчымы бестэрміновы
Беларускія донары завяршылі папераджальны страйк. Ён праходзіў з 20 да 27 чэрвеня. Акцыі прайшлі ў Магілёўскай, Мінскай, Гомельскай і Брэсцкай абласцях. Нагадаем, донары пратэставалі супраць адмены льготаў, якімі яны карысталіся (льготы на зубапратэзаванне, санаторна-курортнае лячэнне, 40% прыбаўка да пенсіі).
Удзельнікі папераджальнага страйку накіравалі лісты ў Палату прадстаўнікоў, урад і Міністэрства аховы здароўя з патрабаваннем захаваць льготы.
Пра тое, што плануецца рабіць далей, распавядае ганаровы донар Ігар Каваленка:
«Па выніках адказаў з гэтых ведамстваў мы будзем прымаць канчатковае рашэнне. Ці мы будзем абвяшчаць бестэрміновы страйк, ці ўсё ж такі ўлады сядуць за круглы стол і будзем размаўляць».
Таксама донары збіраюцца ўтварыць каардынацыйную раду, кааптаваць у яе па 1-2 актывісту ад кожнай вобласці. Менавіта гэтая структура ў далейшым і мусіць кіраваць страйкамі донараў.
Удзельнікі папераджальнага страйку накіравалі лісты ў Палату прадстаўнікоў, урад і Міністэрства аховы здароўя з патрабаваннем захаваць льготы.
Пра тое, што плануецца рабіць далей, распавядае ганаровы донар Ігар Каваленка:
«Па выніках адказаў з гэтых ведамстваў мы будзем прымаць канчатковае рашэнне. Ці мы будзем абвяшчаць бестэрміновы страйк, ці ўсё ж такі ўлады сядуць за круглы стол і будзем размаўляць».
Таксама донары збіраюцца ўтварыць каардынацыйную раду, кааптаваць у яе па 1-2 актывісту ад кожнай вобласці. Менавіта гэтая структура ў далейшым і мусіць кіраваць страйкамі донараў.
