Доўгушаў: нашы карані і нашы традыцыі — наш гонар за тое, што мы маем
28 чэрвеня ў эфіры Еўрарадыё — музыкант, лідар фолк-гурта Vuraj, арганізатар шматлікіх фестываляў, імпрэзаў і спеўных сходаў Сяргей Доўгушаў.
Сучаснаму беларусу не абавязкова мець у сваім доме беларускую дуду і хадзіць на працу ў старажытным беларускім строі. Але веданне традыцый свайго народу, яго гісторыі, песень, якія спявалі яго продкі, дапамогуць жыхару гэтай зямлі “сабраць” сябе як беларуса, а ўсім нам разам — “сабраць” сябе як нацыю, перакананы Сяргей Доўгушаў.
Пра тое, чым адметная беларуская культура, як вярнуць цікавасць да яе, чаму без павагі да традыцый і ведання гісторыі свайго народу нам не абысціся на шляху да “касмічнай Беларусі”, мы і разважаем у праграме “Ідэя Х” з Сяргеем Доўгушавым.
Набыць кнігу "Беларуская нацыянальная ідэя" (PDF) можна тут
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у панядзелак і чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
