Дождж з лічынак у самалёце і скрыпкі з абломкаў мігранцкіх лодак — #ІхНоравы

15/02/2024 - 17:05

Замежныя навіны / @rubanau_collage

Пакуль нямецкая эканоміка стала трэцяй па велічыні ў свеце, італьянцы расследуюць дзеянні свайго ўрада ў час пандэміі каранавіруса. Тым часам зняволеныя з Мілана майструюць музычныя інструменты з абломкаў мігранцкіх лодак. На іх ужо сыгралі ў адным з самых вядомых оперных тэатраў Еўропы.

Больш падрабязна пра гэта і не толькі чытайце ў нашай традыцыйнай рубрыцы "Іх норавы".

Італія расследуе дзеянні ўрада ў сувязі з Covid-19

Італія правядзе расследаванне дзеянняў урада ў сувязі з пандэміяй Covid-19. Сваякі людзей, памерлых ад каранавіруса, вітаюць гэтае рашэнне і называюць яго "вялікай перамогай". Палітыкі, якія знаходзіліся ва ўладзе ў момант піку эпідэміі, крытыкуюць ініцыятыву.

Італія была першай заходняй краінай, якая паведаміла пра ўспышку каранавіруса, і на сёння займае другое месца ў Еўропе па колькасці памерлых ад Covid-19 — больш за 196 000 чалавек. Болей — толькі колькасць памерлых у Вялікабрытаніі.

Нямецкая эканоміка абагнала японскую і стала трэцяй па велічыні ў свеце

Эканоміка Японіі заглыбілася ў рэцэсію і стала чацвёртай у свеце, саступіўшы месца ЗША, Кітаю і Германіі.

У апошнім квартале 2023 года ВУП Японіі скараціўся на 0,4% паводле гадавога падліку, хоць за ўвесь мінулы год ён вырас амаль на 2%. Але гэтага ўсё роўна не хапіла, каб утрымаць статыстычную "бронзу".

Калі я пабачыў, як гэтыя дзеці выбраліся з лодкі на Лампедузе, я даведаўся, што гэткія судны ўлады ўтылізуюць як непрыдатнае смецце. Я падумаў, а чаму б гэтым лодкам не стаць жывой памяццю і нагадваць людзям пра драму, якая магла б быць і маёй, і майго сына? Бо калі б мы нарадзіліся там, гэта здарылася б з намі.

Канцэрт, на якім музыканты ўпершыню зайгралі на інструментах, створаных вязнямі, адбыўся ў славутым оперным тэатры Ла Скала. Са сцэны ў выкананні "марскога аркестра" гучалі творы Вівальдзі і Баха.

Самалёт развярнуўся, бо лічынкі пасыпаліся на пасажыраў

Незадавальненне авіяпералётамі прыняло новы абарот, калі на пасажыраў рэйса Delta, які ляцеў з Амстэрдама ў Дэтройт, пачалі падаць лічынкі.

Мужчына прынёс у самалёт тухлую рыбу і змясціў ручную паклажу з ёй у багажнае аддзяленне. У палёце лічынкі дажджом пасыпаліся на пасажыраў. Па словах аднаго з іх, бортправаднікі знайшлі вінаватага ў здарэнні і вывелі яго. Потым пілот аб'явіў, што рэйс вяртаецца ў аэрапорт Амстэрдама.

Кампанія Delta, якой належыць самалёт, выбачылася перад пасажырамі і кампенсавала нязручнасці:

— Паездку перапынілі, бо была няправільна ўпакаваная ручная паклажа. Судна вярнулася да выхадаў на пасадку, а пасажыры вылецелі наступным рэйсам, які быў даступны. Самалёт выведзены з эксплуатацыі для ачысткі.