Дырэктара "Белфармпрама" затрымалі за атрыманне хабару
Следчы камітэт расследуе крымінальную справу супраць генеральнага дырэктара РУП "Кіруючая кампанія холдынгу "Белфармпрам". Валерыя Шаўчука вінавацяць у атрыманні хабару. Пра гэта прэс-служба Следчага камітэта паведаміла ў сацсетках.
Шаўчук атрымаў хабар за спрыяльнае вырашэнне пытанняў, якія ўваходзяць у яго кампетэнцыю. Менеджара ўзялі пад варту.
Пра затрыманне Шаўчука, як паведамляла Еўрарадыё, стала вядома 7 сакавіка. Затрыманне гендырэктара адбылося напрыканцы лютага. Тады яшчэ не было вядома, у чым яго вінавацяць.
