Дзень у гісторыі: што для нас значыць бітва пад Оршай — стрым
508 гадоў таму, 8 верасня 1514 года, пад Оршай сумеснае войска Вялікага Княства Літоўскага і Кароны Польскай ушчэнт разграміла арду Маскоўскага княства. Але святочным днём у незалежнай Беларусі гэты дзень так і не стаў: нашчадак савецкага таталітарнага рэжыму Аляксандр Лукашэнка ўпарта працягваў навязванне савецкіх святаў.
Ці сапраўды тая перамога мела такое значэнне, што мусіла быць адзначаная як Дзень беларускай вайсковай славы? Чым адметная тая перамога і чаму надалей войскі нашых продкаў не змаглі трымаць маскавітаў на адлегласці? Ці ўсё нам вядома пра тую бітву? На гэтыя ды іншыя пытанні адказваюць кандыдаты гістарычных навук Віктар Якубаў і Аляксандр Казакоў.
