ЕС спадзяецца пачаць дыялог з Мінскам наконт спрашчэння візавага рэжыму
Такая заява прагучала на Эканамічным еўрасаміце ў Брусэлі.
Агучыў яе дырэктар дэпартамента па пытаннях краін Усходняй Еўропы, Паўднёвага Каўказа і Цэнтральнай Азіі генеральнага дырэктарата ЕС па замежных адносінах Гунар Віганд, перадае РІА "Новости".
Шэнгенскія візы для грамадзян Беларусі каштуюць зараз амаль удвая вышэй, чым для іншых суседзяў ЕС.
Нагадаем, што два тыдні таму Савет Еўрасаюза падоўжыў да 31 кастрычніка 2014 года дзеянне "абмежавальных мераў" супраць Беларусі. Савет ЕС таксама пакінуў у спісе фізічных і юрыдычных асоб, якім забаронены ўезд у ЕС і чые актывы на тэрыторыі супольнасці замарожаны, 232 фізічныя асобы і 25 кампаній і прадпрыемстваў.
Умовай для паляпшэння адносін называецца вызваленне ўсіх палітвязняў.
Фота — svaboda.org
