Фрыдман: еўрапейская, дэмакратычная, вольная краіна — найлепшая ідэя сёння
2 снежня ў эфіры Еўрарадыё — гісторык Аляксандр Фрыдман.
Беларусь мусіць вярнуцца ў еўрапейскую сям’ю, ізноў стаць яе часткай. І гэта ніякім чынам не перашкаджае беларусам адбудоўваць сваю краіну на нацыянальных прынцыпах, пашыраць культурную прастору, адраджаць і карыстацца нацыянальнай мовай і — быць часткай глабальнага свету, перакананы Аляксандр Фрыдман.
Пра тое, як нам дасягнуць гэтых мэтаў, мы і разважаем у праграме “Ідэя Х” з Аляксандрам Фрыдманам.
Чытаць кнігу "Беларуская нацыянальная ідэя" (PDF) можна тут
Філосафы і мысляры мінулага сцвярджалі, што нацыянальная ідэя павінна быць у кожнай нацыі. Нехта перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць.
Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта ўзяць ды сфармуляваць такую ідэю для беларусаў?
На нашу думку, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у аўтарскай праграме “Ідэя Х”, якую па-ранейшаму вядуць рэдактар Еўрарадыё Зміцер Лукашук і маскоўскі філосаф Максім Гаруноў.
Па завядзёнцы ў якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы.
Праграма выходзіць штотыдзень у чацвер у 14:00.
Партнёры праграмы — крама з нацыянальным каларытам Symbal.by і грамадская кампанія "Годна".
Папярэднія выпускі праграмы "Ідэя Х" можна глядзець тут:
