Галалёдзіца, ад -9 да +4. Прагноз надвор'я на 27 лютага
Зіма ў Беларусі / Еўрарадыё
27 лютага ў Беларусі ўсталюецца надвор'е, характэрнае для канца зімы. Будзе воблачна з праясненнямі. Пераважна без ападкаў. Па поўдні краіны, дзе будзе цяплей за ўсё, магчымыя невялікія ападкі: у асноўным мокры снег.
Уночы і раніцай месцамі слабы туман. На асобных участках дарог галалёдзіца.
Тэмпература паветра ўначы складзе ад 0 градусаў па поўдні да мінус 9 па поўначы. Днём ад -2 да +4 градусаў, паведамляюць у Рэспубліканскім цэнтры па гідраметэаралогіі, кантролі радыяактыўнага забруджвання і маніторынгу навакольнага асяроддзя Мінпрыроды.
