Газаправод "Ямал-Еўропа" не аднавіў прапампоўку расійскага газу
Газаправод "Ямал-Еўропа", які ідзе праз Беларусь, 2 лютага не аднавіў прапампоўку расійскага газу, паведамляе "Інтэрфакс".
Напярэдадні ўвечары Расія забраніравала пастаўкі з 0:00 да 8:00 уў аб'ёме 1,6 млн кубаметраў у гадзіну. Аднак прапампоўка газу ішла толькі дзве гадзіны, пасля чаго газаправод ізноў спыніўся.
На бліжэйшыя суткі на газаправодзе прадугледжаныя толькі невялікія рэверсныя пастаўкі з Германіі ў Польшчу.
"Ямал-Еўропа" не пампаваў газ з усходу на захад з 21 снежня 2021 года.
Дарэчы, з 1 лютага "Газпрам" павялічыў нагрузку на ўкраінскі газаправод. Прапампоўка газу праз Украіну вырасла ўдвая ў параўнанні з сярэднім узроўнем за студзень (107,7 млн кубаметраў). Гэтыя звесткі выклікалі зніжэнне спотавай цаны газу ў Еўропе на 8% — да 880 долараў за тысячу кубаметраў.
