Генерала Залужнага адпраўляюць з Украіны ў Вялікабрытанію
![Валерый Залужны](/sites/default/files/styles/gallery_main/public/2024-03/334455.jpg.webp?itok=SctscDyV)
Валерый Залужны / economist.com
Генерала Валерыя Залужнага адпраўляюць з Украіны ў Вялікабрытанію. Яго прызначылі на пасаду амбасадара ў Вялікабрытаніі, паведамляе ў чацвер украінскі МЗС. Прэзідэнт Уладзімір Зяленскі ўзгадніў гэтае прызначэнне. Цяпер чакаецца адказ ад МЗС Вялікабрытаніі.
Залужнаму 50 гадоў. Ён быў галоўнакамандуючым Узброенымі сіламі Украіны з 2021 года да лютага 2024-га. Зяленскі замяніў яго на гэтай пасадзе на генерала Аляксандра Сырскага. І прысвоіў Валерыю Залужнаму званне Героя Украіны.
Пра тое, што Залужнаму яшчэ перад адстаўкай Зяленскі прапаноўваў пасаду амбасадара ў Вялікабрытаніі, паведамлялі СМІ. Ён нібыта тады адмовіўся. У Валерыя Залужнага на сённяшні дзень вялікі рэйтынг ва Украіне, але пра палітычныя амбіцыі ён не заяўляў, ды і падчас вайны выбары праводзіцца не будуць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.