Глыбоцкія ўлады павесілі алкаголікаў на дошку ганьбы
“У грамадстве не месца лайдакам, дэбашырам і выпівохам”, — упэўненыя аўтары ідэі.
На дошку ганьбы трапілі выявы мясцовых жыхароў, якія раней мелі судзімасць, шмат пілі, былі пазбаўленыя бацькоўскіх правоў і вядуць антысацыяльны лад жыцця.
Дошка ганьбы размясцілася каля будынку Глыбоцкага аддзялення міліцыі. Мясцовыя жыхары кажуць, што партрэты часам зафарбоўваюць, але чыноўнікі вярталі іх на старое месца.
Раней падобныя спосабы барацьбы з алкаголікамі прымянялі ў Старых Дарогах. Міліцыянты фатаграфавалі п’яных месцічаў, а потым вывешвалі здымкі на “дошцы цвярозасці”, піша “Салідарнасць”.
