Грамадзян Беларусі падазраюць у дэстабілізацыі сітуацыі ў Закарпацці

Грамадзян Беларусі падазраюць у дэстабілізацыі сітуацыі ў Закарпацці. СБУ паведаміла пра затрыманне мужа і жонкі, якіх называюць "інтэрнэт-агітатарамі". З дапамогай некалькіх старонак у сацсетках яны распаўсюджвалі "фэйкавую інфармацыю, накіраваную на дыскрэдытацыю Сіл абароны і распальванне антысеміцкіх настрояў у рэгіёне". Затрыманым паведамілі пра падазрэнне паводле артыкула "распальванне нацыянальнай, рэгіянальнай, расавай ці рэлігійнай варожасці і нянавісці". Ім пагражае штраф ці абмежаванне волі на тэрмін да трох гадоў.

Сцвярджаецца, што беларусы ў 2013 годзе "ўступілі ў фіктыўныя шлюбы з украінскімі грамадзянамі і такім чынам атрымалі дазвол на жыхарства ва Украіне".