Гродзенец прапанаваў ахвочым фальшывае пахаванне
На адным з інтэрнэт-форумаў у раздзеле "Паслугі" з'явілася незвычайнае абвестка. Жыхар Гродна прапанаваў людзям "перажыць сваю смерць і нарадзіцца нанова", піша БЕЛТА.
Гродзенец заявіў, што гатовы бясплатна дапамагчы "ўсім, каму жыццё не мілае, хто шукае выйсце і не можа знайсці". Ён лічыць, што фальшывае пахаванне дапаможа чалавеку пераасэнсаваць праблемы, якія той лічыць невырашальнымі.
Па словах мужчыны, такое паведамленне ён абнародаваў пасля размовы з жонкай, якая чарговы раз заявіла, што не разумее сэнс жыцця. Таксама да такой ідэі яго падштурхнуў уласны досвед, калі пасля хваробы яго стаўленне да простых рэчаў радыкальна змянілася.
Сваю "паслугу" мужчына апісвае так: "Я знайду памяшканне, куплю труну, труна будзе апускацца ў зямлю і закопвацца на нейкі час". Па словах гродзенца, ён чытаў пра такую практыку ў інтэрнэце: нібыта яе выкарыстоўвалі продкі на Русі і на Усходзе, ёю карыстаюцца салдаты, каб стаць больш моцнымі і самаўпэўненымі, і нават практыкуючыя псіхолагі.
