Гукі выбуху пад Гомелем — упаўшы "Шахед"
"Шахед" / focus.ua
Гукі выбухаў, якія жыхары Гомеля чулі ў ноч з 7 на 8 студзеня, апынуліся ўпалым расійскім дроном "Шахед". Пра гэта паведамляе мясцовае выданне "Флагшток".
Паводле дадзеных канала "Ринда моніторить", у тую ноч на тэрыторыю Беларусі заляцеў як мінімум адзін "Шахед". Ударны дрон перасёк мяжу каля пункта "Тры сёстры" (мяжа Расіі, Украіны і Беларусі).
Еўрарадыё тэлефанавала мясцовым чыноўнікам і ў міліцыю, каб даведацца пра прычыны выбухаў. Вось што нам адказалі прадстаўнікі ўладаў.
