"Можа пад'ехаць супрацоўнік і растлумачыць". Улады — пра выбухі пад Гомелем

— Да вас дадому можа пад'ехаць супрацоўнік і ўсё растлумачыць. Правядзе праверку, апытае суседзяў, што яны бачылі, чулі. Можа, там нехта гуляў, нешта запускаў. Трэба адразу ўсё даведацца, а потым ужо…

— Немагчыма так гуляць з такімі выбухамі.

— Я вам на дадзены момант нічога сказаць не магу. Магу толькі адправіць супрацоўнікаў да вас.

Цягам усёй размовы супрацоўнік міліцыі спрабаваў высветліць нашы кантактныя дадзеныя, а магчымыя выбухі ў раёне ён і не пацвердзіў, і не абверг.

“У нас усё ціха, спакойна”

А што там у вайскоўцаў? Раптам вучэнні? Тэлефануем у мясцовую вайсковую частку 63604.

— Гэта не да мяне пытанні, у нас усё ціха, спакойна, — кажа памочнік дзяжурнага па частцы.

— Ціха, спакойна, а спаць начамі немагчыма.

— Гэта не па адрасе пытанні, тэлефануйце ў міліцыю, даведвайцеся, у нас нічога, прабачце.

І адразу пасля гэтых слоў кінуў слухаўку.

“Мы ж не армія там якая-небудзь”

Мясцовая ўлада напэўна мусіць ведаць, што здарылася ў ноч з 7 на 8 студзеня. Ага, зараз... У Гомельскім райвыканкаме нам параілі звярнуцца ў міліцыю.

— Вы чуеце выбухі ў Чонках? А на якой вуліцы? Тэлефануйце ў міліцыю.

— Я ўжо туды тэлефанаваў.

— Але я вам таксама, прабачце, не скажу.

— А хто мне можа гэта сказаць?

— Ператэлефануйце нам хвілін праз 10, можа, нешта прыдумаем.

Але праз 10 хвілін трубку ўжо ніхто не браў, і на момант публікацыі матэрыялу таксама.

У канцы мы патэлефанавалі ў МНС. Але і там дакладна такія ж адказы.

— Вы ведаеце, мы такой інфармацыі не маем.

— А хто мае?

— Мы — раённы аддзел па надзвычайных сітуацыях. Мы ж не армія там якая-небудзь. У нас такой інфармацыі няма, калі хочаце, можаце прыехаць да нашага начальніка на асабісты прыём, прабачце.

***

Нагадаем, пачынаючы з лета 2024 года маніторынгавая група "Беларускі Гаюн" практычна штодня фіксавала прылёты расійскіх дронаў-камікадзэ тыпу "Шахед" на тэрыторыю Беларусі. Каб збіць некаторыя з іх, у паветра даводзілася падымаць вайсковую авіяцыю.

Напрыклад, у ноч з 9 на 10 студзеня, паводле звестак "Гаюна", у Беларусь зайшло не менш за 4 дроны.

Не выключана, што моцны выбух, які разбудзіў жыхароў Гомельскай раёна, быў гукам выбуху "Шахеда".