Гурт The UNB зняў кліп у стылі "Страшнага суда" Босха (відэа)

Мінскі гурт The UNB прадставіў свой першы кліп, зняты на песню "Крот-фронт" з аднайменнага 107-га па ліку альбома. Працаваў над кліпам Макс Сіры разам з Таццянай Никеенка.

Макс з'яўляецца і аўтарам сюжэта-алюзіі на першы навукова-фантастычны фільм у гісторыі кінематографа "Падарожжа на Месяц". Фарсавыя камедыя 1902 года парадуе сюжэты раманаў Жуля Верна "З гарматы на Месяц" і Герберта Уэлса "Першыя людзі на Месяцы".

Асаблівасцю кліпа з'яўляецца тое, што ўсе шматлікія героі відэа — сапраўдныя і сапраўды бралі ўдзел у здымках, якія доўжыліся амаль суткі.

"Гэта як разглядаць палотны вялікіх мастакоў, дзе дзясяткі і сотні персанажаў", — разважае над кліпам лідар The UNB Зміцер Дольнік і параўноўвае яго з працамі  "Паляўнічыя на снезе" Пітэра Брэйгеля і "Страшны суд" Гераніма Босха.

Версія песні "Крот-фронт", на якую здымаўся кліп, адрозніваецца ад альбомнай: тут больш бэк-вакалаў, якія запісвалі не толькі ўдзельнікі The UNB, але і іншыя вядомыя персанажы — Міхей Насарогаў, Аляксандр Памідораў і Павел Юрцэвіч.

Паводле Ultra-Music.