Інфляцыя ў Беларусі ў ліпені склала 0,3%
Інфляцыя / Еўрарадыё
Па выніках ліпеня інфляцыя ў Беларусі склала 0,3%, паведамляе Белстат. Такі ж узровень інфляцыі быў зарэгістраваны ў краіне і па выніках чэрвеня.
Ад пачатку года рост цэн склаў 3,3%.
Цэны на харчовыя тавары за ліпень павысіліся на 0,1%. У параўнанні са снежнем 2022-га яны выраслі на 3,3%.
Нехарчовыя тавары ў ліпені ў параўнанні з чэрвенем падаражэлі на 0,2%. А ад пачатку года рост цэн склаў 1,1%.
Паслугі за ліпень падаражэлі на 0,7% ў параўнанні з чэрвенем, а ў параўнанні са снежнем — на 6,2 %.
