Інструктары ЗША могуць пачаць навучанне сірыйскіх паўстанцаў

Нібыта, гэты план можа быць задзейнічаны на патрабаванне некаторых кангрэсменаў, якія настойваюць на павелічэнні дапамогі сірыйскай апазіцыі. У выпадку прыняцця гэтага рашэння, усе этапы навучання паўстанцаў будуць праходзіць за межамі Сірыі, верагодна, у Іарданіі, паведамляе РІА "Новости".

Раней паведамлялася пра аддзел з 50 чалавек, які ўжо прайшоў падрыхтоўку пад кіраўніцтвам інструктараў ЦРУ ў Іарданіі і ўжо ваюе ў Сірыі супраць урадавых войскаў. У выпадку, калі рашэнне пра навучанне паўстанцаў будзе прынятае, амерыканскія інструктары могуць падрыхтаваць тысячы байцоў.

Барак Абама плануе пашырыць спіс аб'ектаў для атакі ў Сірыі
 

Нагадаем, Кангрэс ЗША мусіць разгледзець пытанне аб атацы на Сірыю 9 верасня.

Грамадзянская вайна ў Сірыі працягваецца ад сакавіка 2011 года. Паводле звестак ААН, яе ахвярамі сталі ўжо больш за 100 тысяч чалавек. У жніўні ў прыгарадах Дамаска адбылася хімічная атака, загінулі больш за 1400 чалавек. ЗША ўсклалі адказнасць за яе правядзенне на рэжым сірыйскага прэзідэнта Асада.
 

Фота — ria.ru