Іран не будзе атакаваць суседнія краіны, калі яны самі не нападуць — Пезешкіян
Масуд Пезешкіян / un.org/en
Прэзідэнт Ірана Масуд Пезешкіян паведаміў, што часовая Рада, якая кіруе краінай пасля смерці Алі Хаменеі, ухваліла прыпыненне атак на суседнія дзяржавы, калі толькі ўдары па Іране не будуць зыходзіць з іх тэрыторыі. Пра гэта паведамляе Reuters.
Рашэнне было абвешчана на фоне працяглай вайны з удзелам ЗША і Ізраіля: апошнія тыдні Тэгеран адказвае на ўдары па сваіх аб’ектах у рэгіёне ракетамі і дронамі. Паводле слоў Пезешкіяна, Іран захоўвае права абараняцца, але не плануе пашыраць канфлікт на суседнія краіны без прамой пагрозы.
Эскалацыя пачалася пасля серыі ўдараў ЗША і Ізраіля па іранскіх аб’ектах, на якія Тэгеран адказваў ракетнымі і дронавымі ўдарамі па ваенных і інфраструктурных мэтах.
Раней Еўрарадыё паведамляла, што іранскі дрон упаў у міжнародным аэрапорце ў Дубаі, выклікаўшы часовую паўзу ў працы аэрапорта.
