ІТ-кампаніі атрымалі спісы айцішнікаў, якіх чакае размова са спецслужбамі
Айцішнікаў зноў "зачышчаюць" / Ілюстрацыйнае фота pixabay.com
ІТ-кампаніі ў Беларусі атрымалі спісы айцішнікаў, якіх чакае размова не толькі са сваім кіраўніцтвам (і яны ўжо праводзяцца), але і са спецслужбамі, піша @devby. Мяркуецца, што ў іх трапілі супрацоўнікі, якія данацілі ў фонды ByPol і BySol.
Выданне спасылаецца на крыніцы ў адной з буйных ІТ-кампаній. Нібыта спісы даслалі з адміністрацыі Парка высокіх тэхналогій.
Айцішнікі масава ўдзельнічалі ў пратэстах 2020-га, шмат іх трапіла пад рэпрэсіі, было вымушаныя з'ехаць за мяжу, і яны працягваюць з'язджаць. Сыходзяць кампаніі.
