“Каб і для ўнукаў”: якая адукацыя патрэбная беларускаму рэжыму?
Не так часта, як раней, але навіны пра “чысткі” ў навучальных установах працягваюць з’яўляцца да сёння. Той выкладчык ВНУ сышоў сам, з тым настаўнікам не працягнулі кантракт. Паралельна беларускай адукацыі навязліва прапануюць новы Кодэкс аб адукацыі. Дый яшчэ такі, які і “нашым унукам спатрэбіцца”.
Ці сапраўды змены ў Кодэкс аб адукацыі наспелі? Ці ў сённяшняй Беларусі гэты Кодэкс мае такую самую вагу, як і Канстытуцыя, — ніякай? Чаго насамрэч рэжым хоча дамагчыся ад адукацыі з дапамогай змененага Кодэкса? На гэтыя ды іншыя пытанні адказвае былы супрацоўнік Мінадукацыі, кіраўнік праекта “Народны падручнік” і фінансавы дырэктар “Прэс-клуба” Сяргей Альшэўскі.
