Кампанія "Права выбару": На выбарах зноў не будзе празрыстага падліку галасоў

Метадычныя рэкамендацыі Цэнтравыбаркама ўчастковым камісіям не ўтрымлваюць сур'ёзных зменаў. З такой заявай выступіла кампанія "Права выбару", якая назірае за падлікам галасоў. Усе рэформы беларускіх уладаў — толькі касметычныя. Пра гэта Еўрарадыё распавёў каардынатар кампаніі Дзяніс Садоўскі.

Дзяніс Садоўскі: "Выйшла метадычная рэкамендацыя Цэнтарвыбаркама, і бачна, што ніякіх зменаў не будзе. Назіральнік не будзе бачыць, як лічацца галасы. У ідэале, назіральнік знаходзіцца на той адлегласці, на якой бачыць кожны бюлетэнь, галачку ў кожным бюлетэні і бачыць, у які стос кладзецца бюлетэнь".

Яшчэ ў сакавіку 2016-га старшыня ЦВК Лідзія Ярмошына заявіла, што надасць больш увагі празрыстасці падліку галасоў. У прыватнасці, на выбарах для назіральнікаў вызваляць адзін бок стала, дзе вядзецца падлік галасоў.