Каму з беларускіх лёгкаатлетаў уручаць “Оскар” (фота)
Сёння ў Мінску пройдзе ўзнагароджванне найлепшых спартсменаў і трэнераў краіны.
Федэрацыя лёгкай атлетыкі заснавала ўласную узнагароду, якую афіцыйна назвалі “Атлетыка”. Аднак, хоць першая цырымонія ўзнагароджвання яшчэ не прайшла (падзея адбудзецца ў чацвер, 19 сакавіка), у СМІ новую ўзнагароду празвалі “Оскарам”.
“Праводзіць такую цырымонію мы будзем упершыню. Узнагарода заснавана для таго, каб падкрэсліць прэстыж лёгкай атлетыкі, заматываваць нашых спартсменаў”, — тлумачыць Еўрарадыё Арына Сандовіч, прэс-сакратар федэрацыі.
Бронзавыя статуэткі распрацавалі беларускія скульптары Максім Паляшчук і Валерый Дудко.
Спіс намінантаў трымаецца ў таямніцы. Лёгкаатлетычны “Оскар” будзе ўручацца ў чатырох узроставых катэгорыях.
Фота: bfla.eu
