Кандыdating #2: апалітычная бізнесвумен Наталля Кісель
"Кандыdating" — гэта блізкае знаёмства з патэнцыйнымі кандыдатамі ў прэзідэнты на выбарах-2020. У другім выпуску праграмы — вылучэнка на пасаду прэзідэнта ад асацыяцыі грузаперавозчыкаў “Рэгіён 8” прадпрымальніца Наталля Кісель. Чаму грузаперавозчыкі вырашылі заявіць пра сябе ўдзелам у палітычнай кампаніі, ці ёсць у іх адказ на пытанне “Чый Крым?” і ці выедуць на “Плошчу” фуры, каб бараніць свае галасы? Адказы ў размове з рэдактарам Еўрарадыё Змітром Лукашуком.
00:55 — "Галасы на выбарах лічацца правільна"
02:45 — Пра мэты свайго вылучэння
06:25 — Пра перамовы з уладамі
08:15 — Чаму беларускія грузаперавозчыкі не пратэстуюць?
10:15 — Ці будзе змагацца за "ўкрадзеныя" галасы?
11:10 — Пра суверэнітэт
13:20 — "Мне надзвычайна падабаецца беларуская мова"
14:20 — Як сям'я паставілася да вылучэння
14:55 — Навошта тры вышэйшыя адукацыі?
15:50 — Пра дрэннае стаўленне дзяржавы да бізнесу
17:20 — Што можа напалохаць?
19:40 — Чый Крым?
20:50 — Першы візіт прэзідэнта Кісель
24:05 — Чаму нафта ў свеце таннее, а бензін на беларускіх АЗС — не?
26:20 — Ці застанецца ў палітыцы пасля выбараў?
28:40 — Ці пакліча людзей на плошчу?
Праграма выходзіць штодня ў 13:00. Трансляцыю можна паглядзець у сацсетках: Facebook, "ВКонтакте", "Аднакласнікі", Twitter.
У 51-гадовай Наталлі Кісель тры вышэйшыя адукацыі: інжынер-механік, менеджар-эканаміст, магістр эканамічных навук. Да таго ж мае атэстацыю антыкрызіснага кіраўніка. Намесніца дырэктара транспартнай кампаніі па грузаперавозках. Замужам, мае двух дзяцей: сына-айцішніка і дачку-спартсменку. Беспартыйная.
Папярэднія выпускі праграмы:
Кандыdating #1: апазіцыянер з камуністычным бэкграўндам Сяргей Чэрачэнь
