Хапун на аграсядзібе ў Брэсцкай вобласці: мінімум 5 затрыманых
Аграсядзіба "Стулы" на Пружаншчыне
У праваабаронцаў з "Вясны" з'явілася інфармацыя пра хапун на аграсядзібе "Стулы" ў вёсцы Стойлы Брэсцкай вобласці. Папярэдне — там мінімум пяцёра затрыманых. Яны знаходзяцца ў Пружанскім РАУС і чакаюць суда ў панядзелак па "экстрэмісцкім" артыкуле.
Паводле інфармацыі ад неназванай крыніцы, якая патрабуе пацвярджэння, затрыманні маглі прайсці падчас ці пасля батлеечнага спектакля, якія ладзяцца на аграсядзібе.
Днямі ў "Стулах" праходзіла выязное пасяджэнне рабочай групы па развіцці аграэкатурызму ў Брэсцкай вобласці. Гаспадары сядзібы Аляксандр і Ларыса Быцко паказалі чыноўнікам батлеечны спектакль пра ката, піша мясцовая раёнка. І вось на табе.
