Кіраўнік Пружаншчыны будуе дом за бюджэтныя грошы

Як паведамляла Еўрарадыё, у Светлагорску праваахоўныя органы пачалі прэсаваць мясцовага актывіста за тое, што ён зняў на відэа дом кіраўніка гораду.

У той жа час старшыня Пружанскага райвыканкама Міхаіл Сяркоў у інтэрв'ю газеце “Вечерний Брест” сумленна прызнаўся, што неўзабаве за кошт бюджэта будзе пабудаваны кампактны дамок. Ён будзе выдзелены чыноўніку ў часовае карыстанне.

Згодна з законам, ніхто не мае права прыватызаваць гэтае жытло. Таму максімум праз тры дні пасля сыходу са сваёй пасады спадар Сяркоў вымушаны будзе пакінуць “старшынёўскі дамок”.

Дарэчы, цяпер кіраўнік раёна жыве ў Пружанах у двухпакаёвай службовай кватэры.

Фота — ont.by