Кітайцы пачалі выпускаць беларускія байкі-вышыванкі
Такую жаночую “вышыбайку” можна замовіць у Кітаі за 12 долараў з бясплатнай дастаўкай на працягу месяца.
Мода на беларускія вышыванкі не абмінула і кітайскіх вытворцаў, якія пачалі выпускаць жаночыя байкі з арнаментам. Замовіць іх можна на сайце aliexpress.
Робіць такія “вышыбайкі” кітайская кампанія Zhejiang Springair Apparel. Каштуе яна каля 12 долараў, а дастаўка бясплатная. На сайце байкі замовілі ўжо 593 разы. Ёсць замовы з Беларусі і Украіны, але найбольш з Расіі.
Тэма рознай вопраткі з арнаментам стала апошнім часам папулярнай у Беларусі. З'явілася шмат розных прапановаў.
Так на сайце symbal.by можна набыць вышымайкі. Праўда, абыдзецца яна даражэй за байку з Кітая — 150 тысяч рублёў.
Амерыканскі рэпер Снуп Дог таксама выпусціў лінію пад назвай SNOOP LOVES BELARUS. Зрабіла вышыванкавую лінейку група мастакоў з Віцебска, якія малявалі вялікі партрэт Васіля Быкава ў Мінску. Але хлопцы атрымалі штраф 18 мільёнаў, а працу знішчылі.
Майка з гэтай калекцыі каштуе 28 долараў.
Знайсці вышыванкі можна і ў дзяржаўных крамах. Там кашулі з нацыянальным арнаментам каштуюць ад 200 тысяч.
