Кітайцы выштурхоўваюць МАЗ з расійскага рынку

Кітайцы выштурхоўваюць з расійскага аўтамабільнага рынка беларусаў і нават расіян. За час санкцый МАЗ скараціў пастаўкі ў Расію больш як удвая, піша sputnik.by.

"Дынаміка палохае", — заявіў віцэ-прэм'ер Беларусі Мікалай Снапкоў на Пецярбургскім міжнародным эканамічным форуме (ПМЭФ).

Раней доля грузавікоў, зробленых у КНР, на расійскім рынку была 9,5%, а цяпер — амаль 58%.

Доля МАЗа на расійскім рынку знізілася з 8,9% да 3,5%, а КамАЗа — з 38% да 17%.

Снапкоў заклікаў прыняць меры па абароне ад кітайскай экспансіі: "Ідзе па ўсіх франтах агрэсіўная экспансія. Яны гэта ўмеюць. Але ўсе вы разумееце, што потым цэннік пойдзе ўверх".