Кліенты Белінвестбанка не могуць зняць грошы і расплаціцца карткамі

Кліенты Белінвестбанка 3 лютага не змаглі аплачваць тавары і паслугі карткамі гэтага банка. Таксама ў іх не атрымлівалася ўвайсці ў інтэрнэт-банкінг. Спробы датэлефанавацца ў кол-цэнтр для многіх заканчваліся безвынікова. 

У каментары парталу TUT.by супрацоўнікі банку патлумачылі, што праблемы выкліканыя перабоямі ў працы сеткавага абсталявання Белінвестбанка.

"Часова недаступныя каналы дыстанцыйнага банкаўскага абслугоўвання. Правядзенне плацяжоў ад юрыдычных асоб з боку банка будзе працягнута сёння на максімальна магчымы час", — запэўнілі ў банку.

Там запэўніваюць, што робяць усё неабходнае для аднаўлення працаздольнасці сістэм. Пра аднаўленне работы банкаўскіх сэрвісаў абяцаюць паведаміць дадаткова.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.